Ffederasiwn Hyfforddiant Cenedlaethol Cymru (2023–24) 

Cynhaliodd Arad arolygon a chyfweliadau â chyflogwyr i gasglu eu barn ar brentisiaethau a darparwyr hyfforddiant, archwiliodd data a llenyddiaeth ar effaith prentisiaethau ar brentisiaid, cyflogwyr ac economi Cymru a'u gwerth cyffredinol am arian, a rhoddodd argymhellion ar sut i'w hyrwyddo yn y dyfodol. 

EESW (2023–24) 

Comisiynwyd Arad gan Gynllun Addysg Peirianneg Cymru (EESW) i werthuso STEMCymru 2, sef prosiect a ariennir gan Gronfa Gymdeithasol Ewrop (ESF) wedi'i anelu at bobl ifanc 11–19 oed yng Ngorllewin Cymru a'r Cymoedd i annog cyfranogiad mewn gweithgareddau peirianneg ac i wella sgiliau STEM. Roedd y gwerthusiad yn cynnwys datblygu offer ymchwil ac ymweld ag ysgolion i brofi sut roedd y prosiect yn cael ei gyflawni. 

Comisiynydd Cenedlaethau'r Dyfodol (2022–23) 

Cwblhaodd Arad werthusiad o'r Academi, gan asesu ei pherfformiad yn erbyn ei nodau strategol a’i effaith ar sgiliau a dyheadau'r bobl ifanc sy'n cymryd rhan yn y rhaglenni hyfforddi. Roedd yr adroddiad terfynol yn cynnwys astudiaethau achos gyda chyfranogwyr, mentoriaid a chyflogwyr ac argymhellion ar gyfer ehangu'r Academi yn y dyfodol. 

Amgueddfa Genedlaethol Cymru (2022–23) 

Cynlluniodd Arad fodel rhesymeg a fframwaith gwerthuso i gefnogi gwerthusiad y rhaglen Cyfuno. Rhaglen ymgysylltu oedd hon a oedd yn targedu pobl ifanc o grwpiau heb gynrychiolaeth ddigonol i ddatblygu sgiliau a hyder ac ymgysylltu â'u cymunedau drwy weithgareddau celfyddydol a threftadaeth. 

ScreenSkills (2019–22) 

Rhedodd y strategaeth rhwng 2018–2022 ac fe'i datblygwyd i gefnogi twf a chystadleurwydd rhyngwladol busnesau ffilm y DU ac i gefnogi llwyddiant beirniadol a masnachol talent greadigol y DU, gartref a thramor. Cynhyrchodd Arad fodel rhesymeg/theori newid a fframwaith gwerthuso i gefnogi'r gwaith o ddarparu rhaglen Future Film Skills ar gyfer y BFI ac i gefnogi monitro effaith y rhaglen yn fewnol. Cynhyrchwyd gwerthusiadau canol tymor a therfynol o effaith economaidd a chreadigol y strategaeth ar draws y DU hefyd.