Llywodraeth Cymru (2021-22) 

Comisiynwyd Arad gan Lywodraeth Cymru i werthuso blwyddyn gyntaf y Prosiect Gwyliau Gwaith Chwarae. Y nod oedd darparu gwell cyfleoedd chwarae i blant mewn cymunedau bregus a gwireddu’r buddion a ddaw yn sgil hyn o ran datblygiad plant a lefelau gweithgaredd. Er mwyn mynd i'r afael â nodau'r gwerthusiad, adolygodd y tîm ystod o ddogfennau a data monitro a chynhaliwyd cyfweliadau â rhanddeiliaid gan gynnwys arweinwyr polisi a chyflawni.  

Adroddiad ar gael yma. 

(Llywodraeth Cymru, 2015-18)

Rhaglen o gymorth wedi'i thargedu at blant a theuluoedd yn ardaloedd mwyaf difreintiedig Cymru yw Dechrau’n Deg. Mae'n cynnwys ymweliadau iechyd, gofal plant a chymorth rhianta, gyda’r bwriad o wneud gwahaniaeth pendant i fywydau plant yn yr ardaloedd lle caiff ei ddarparu. Cynhaliodd Arad ymchwil hydredol, ansoddol dros dair blynedd i gasglu barn teuluoedd sy'n defnyddio'r gwasanaethau hyn, gan gasglu tystiolaeth ar eu hymgysylltiad â'r gwasanaethau ac effaith y gwasanaethau ar les y teulu.

(Cyngor Caerdydd, 2016)

Darparodd Arad archwiliad a chynllun gweithredu i Gyngor Caerdydd ar ymgysylltu â phobl ifanc a datblygiad pobl ifanc o fewn addysg, hyfforddiant a chyflogaeth. Roedd y gwaith yn cynnwys archwiliad o ymgysylltu â phobl ifanc, gweithdy gydag adrannau a sefydliadau perthnasol y Cyngor i ddeall gweithgarwch a darparu cynllun gweithredu yn gwneud argymhellion ar ddatblygiad cynnig ieuenctid y Cyngor.

(Llywodraeth Cymru, 2014-15)

Comisiynwyd Arad, mewn partneriaeth ag ICF, i gynnal gwerthusiad ffurfiannol o’r Fframwaith Ymgysylltu a Datblygu Ieuenctid. Roedd y gwerthusiad yn cynnwys ymchwil fanwl ar y cynnydd a wnaed o ran gweithredu’r fframwaith ar draws awdurdodau lleol yng Nghymru. Cynhaliwyd cyfweliadau â rhanddeiliaid ym mhob awdurdod lleol yng Nghymru yn ogystal â chyfweliadau ag arweinwyr polisi a rhanddeiliaid cenedlaethol fel Llywodraeth Cymru a’r Ganolfan Byd Gwaith. Cynhaliwyd adolygiad o ddata eilaidd hefyd fel rhan o’r broses o ddatblygu fframwaith gwerthuso ar gyfer gwerthuso effaith y fframwaith yn y dyfodol.

(Rhwydwaith Cymunedau’n Gyntaf Gwynedd, 2014-15)

Cynhaliodd Arad werthusiad o’r prosiect Gyrru Ymlaen at Sgiliau. Nod y prosiect tair blynedd a ariannwyd gan y Gronfa Loteri Fawr oedd cefnogi pobl ifanc NEET ac mewn perygl o fod yn NEET drwy roi cyfleoedd iddynt fanteisio ar gyrsiau byr achrededig yn ogystal â chymorth mentora parhaus. Roedd y gwerthusiad yn cynnwys gwaith maes gyda phobl ifanc, staff cyflwyno, mentoriaid ac asiantaethau cyfeirio yng Ngwynedd yn ogystal ag asesiad gwerth am arian.